Гостите од Бања Лука го оставија максимумот на теренот во Автокоманда и му зададија доста проблеми на нашиот шампион и во ниту еден момент не им дозволи на Сините да стигнат до опиплива предност.
Натпреварот во текот на сите 60 минути се играше крајно изедначено со 2-3 погодоци позитива на едната или на другата страна но противникот секогаш брзо ја анулираше таквата предност.
Во последните минути момците на Лино Червар имаа човек повеќе на теренот но наместо да го искористат тоа и да стигнат до поголема предност, тие во последната минута влегоа со нерешени 25:25.
На 25 секунди пред крајот, Червар побара минута одмор по што следуваше инфаркт завршница која со погодок ја круниса Наумче Мојсовски на 3 секунди пред крајот за финалните 26:25.
