Тимот на Марјан Србиновски добро го почна натпреварот и преку расположените Џастин Рејнолдс, Димитар Караџовски и Ивица Димчевски, ја заврши првата четвртина со предност од 22-14.
Рано во вториот период, нашиот состав за прв пат поведе и со двоцифрена разлика (27-17), но Рилски направи серија од 6-1 со што почна да ја топи предноста и на секунди до крајот на полувремето стигна и до првото водство на мечот од 42-41.
Оваа победа сериозно го приближува Рилски до посакувано место во плејофот за фајнл фор турнирот, додека Торус СЦБТ и официјално ги загуби шансите за пласман понатаму.
Дебитантската сезона на Торус СЦБТ во БИБЛ лигата ќе заврши со двата последни натпревари во Скопје против Темишвар и Галил Билбоа закажани за 28 февруари, односно 6 март.
