Спорт Денес

Нашиот предстаник во третото коло од квалификациите за Европа Лига, тимот на Тетекс беше демолиран во гостувањето кај Елфсборг.

Тетовчани добро го започнаа натпреварот, но сепак видлива беше силата на домаќинот на овој натпревар. Уште од првите минути Свенсон имаше добра можност да го отвори резултатот за Елфсборг. Така без погодоци мечот траеше се до 29-тата минута кога Ишижаки го постигна првиот погодок на мечот за водство на домаќините.

Во продолжението од првиот дел, нашиот представник успеа добро да се одбрани на нападите, но сепак катонадата кон голот на Тетовчани следуваше во вториот дел.

Свенсон во 50-тата минута го најави гол-шоуто за домаќините на мечот, а 7 минути подоцна Авдиќ го зголеми водството за мечот.

Домаќините продолжија со напади кон нашиот тим, а во 66-тата минута Нордмарк го зголеми резултатот на високи 4:0. Конечните 5:0 ги постигна Кини во 77-та минута за нашиот представник да има минимални шанси за пласман во плеј-офот од Европа Лига.