Домаќините од Неапол први примија погодок, но покрај тоа успеаа со комплетен пресврт да стигнат до резултат кој им дава реални шанси за пласман во наредната фаза.
Хуан Мата ги донесе лондончани во предност во 27. минута, но Езекиел Лавеци изедначи во 38. минута. Во втората минута од дополнителното време на првиот дел Кавани донесе предност за Наполи од 2-1.
Во вториот дел тимот на Валтер Мацари продолжи со уверливата игра а Лавеци во 65. минута го постави конечниот резултат од 3-1 по што ја напушти играта а на негово место влезе нашиот Пандев.
Ова е уште еден непријатен резутлат за Челси во последно време а Андре Виљаш Боаш седи на доста разнишана столица и неговата иднина во Челси е неизвесна.
